ايهم افضل التقديم في مدينة نور لهشام طلعت مصطفي ام الشراء في بيت الوطن ؟

دا سؤال من احد المواطنين ويدعي أحمد علي السوشيال ميديا
للتوضيح انا بتكلم عن دفع مقدم وتقسيط الباقي علي عدة سنين (اشتري شقة صغيرة في مشروع نور ولا شقة كبيرة في بيت الوطن ؟)
نور ردت عليه وقالتله:
الناس لحد دلوقتي بتفكر في الاستثمار في العقارات بعقلية 2011-2015 محدش مستوعب ان الوفرة الرهيبة في العقار هتعمل ثبات في السعر او زيادات طفيفة، وبالمقارنة مع انظمة السداد المريحة للمطورين ، محدش هيشتري ريسيل كاش الا في اضيق الحدود.
المشكلة بقى للي هيشتري شقق للاستثمار بقروض على امل انه هيبيع وهيكيش مكسب 200% 🤭🙂 لان بنفس الوتيرة دي بعد 3-4 سنين بالكتير لا هيعرف يبيع ولا يسدد.
قال محسن:
تسريبات لاسعار نور التي ان صحت ستصبح ظلاااام في ظلااااام
الشقة ١٠٤ متر عاملة ٣ مليون و ٨٦ الف غير النادي وأقساط الصيانة
يعني المتر في حدود ٣٢ الف جنية 😂😂😂😂😂
دي سعادتك واخد الارض شكك وببلاش وهياخد عليها قروض
نور دي مكانها يبعد عن مركز العاصمة ب ٢٧ كيلو واقرب للسويس من القاهرة
فعلا اوغاااااااد 😂
رد أحدهم:
ال 90 م في نور مقدمها 80 الف وقسطها الشهري 8000 ودفعة سنوية 80 الف وكل سنة القسط بيزيد 500 تقريبا والدفعة السنوية بتزيد 6000
يعني اجمالي ثمنها على 15 سنة بالإضافة للصيانة واشتراك النادي
الإجمالي 3.5 مليون وفي الآخر شقة 90 متر
مدينة نور طلعت مصطفي حدائق العاصمة الادارية الجديدة
مدينة نور طلعت مصطفي حدائق العاصمة الادارية الجديدة
ردت أحدهم:
هو لو حضرتك بتدور على اطول فتره سداد ونظام ٠٪؜ مقدم ف في كمبوندات في مدينه المستقبل واسامي كبيره برضو وفي عمارات تدخل تشوف شقتك بعنيك ب ٠٪؜ مقدم يعني بتتعاقد بأول ٣ شهور والباقي على ١١ سنه ودي هتكون مدينه المستقبل هتشوف مساحه اكبر شويه تكون مناسبه لحضرتك وسعر اقل

أستكشف
أكبر معرض عقاري أون لاين خاص بالعاصمة الإدارية

في معرض يوفن العقاري كشفنا لك علي أفضل العروض والخصومات علي الوحدات السكنية (شقق، فلل) والوحدات التجارية، الادارية، الطبية، ايضا كشفنا عن الفرص الاستثمارية العقارية، كل هذا في معرض يوفن العقاري الاون لاين [متجدد يومياً].

معرض يوفن العقاري – خصومات وعروض العاصمة الادارية

ليه نور حدائق العاصمة مرفوضة من قبل ناس كتيير ؟؟

محمود حافظ يجيب عن هذا التساؤل قائلاً:

مدينه نور قدامها ١٠ سنوات وده كلام طلعت مصطفى نفسه واسعار فلكيه ال٧٠٠ الف اللى الناس فرحان بيها ده سعر استوديو .انما سعر شقه فى بيت الوطن ٢٠٠ متر بتتكلم فى ١٢٠٠٠٠٠ على ٧ و٨ و٩ سنوات بدون فوائد وموقع جبار من كل النواحى شارع التسعين وشارع النوادى وطريق السويس ومحور بن زايد ومحطات مونريل ومحاط بجميع الكمبوندات الهاى كلاس كلها و٣ نوادى ..ولكن هشام اسم مطور ذات ثقل امان فلوسك مش حاتضيع حاتضمن مكان وهمى خيالى اكثر من رائع ..ولكن وجهه نظرى المتواضعه .بيت الوطن فى قلب التجمع ولو وقعت فى شركه محترمه حايكون اختيار افضل بكتييييير من مدينه نور.
اما كريم، فله وجهة نظر في هذا الامر، وهي:
اكيد يعني مشروع نور مش حيبقي اقل سعر من سيليا طعت مصطفي وإلا كدة هو بيضرب مشروعه ومشاريع العاصمة.
اما ايهاب، فله تجربة عملية أستفسر واتصل بخدمة عملاء طلعت مصطفي:
تواصلت معاهم، بتقولي شقة 84 متر ب 2 مليون و 400 ألف !! أزاي معرفش؟!
الناس بتتسأل:
إزاى كدة 😅…. أمال طالع فى التليفزيون بيقول عندنا مقدم ب ٣٧ الف!!
اما احدهم علق قائلا:
احنا عايشين فى bubble كبيرة ، مصر كم مليون‼️
نقول خمسهم مثلا فى القاهرة الكبرى، طب كم مدينة و كومباوند فيها‼️
كم منهم اللى بيشترى كاش‼️
و كم منهم عنده مقدرة فى استمرارية سداد القروض…لو متعثرش او اضطر يحرق السعر ويبيع فى نص الطريق‼️
على فكرة هما هما اللى واخد فى الادارية حياخد فى نور و اللى واخد فى مارسيليا او هاسيندا عايز فى العلمين او راس الحكمة….
و فى الاخر تشوف ش التسعين او غيره تلاقى اشغالات الوحدات فيه عشرين او تلاتين فى المية‼️
ضريبة فرنسا علي الوحدات المقفولة:
في فرنسا في ضريبه علي اي وحده تفضل مقفوله او غير مأجره اعلي من تمن اياجرها وبالتالي الناس عرضت الشقق باقل من تمن ايجارها علشان ما تدفعش الضريبه وكانت النتيجه ان مشكله الاسكان اتحلت في مناطق كتير وبقي ممكن تسكن في منطقه زي التجمع بسعر اي منطقه شعبيه اتمني نفس القرار يتطبق عندنا
ضريبة التصرفات العقارية ٢.٥ طبعا مطبقة لكن مع كل تصرف لكن لو حضرتك تقصدى انه يكون رسوم سنوية مثلا ممكن الحكومة تفكر فى حاجة زى كده لكن حتاخد وقت لتحديد المواصفات لكل عين و لكل فرد لانه اكيد حياخدوا فى الاعتبار مثلا انه الفرد ممكن يسجلها باسماء مختلفة ابنه اخوه و هكذا
دا قانون نزل غرامه لكل شقه تفضل غير ساكنه لمده ٦ شهور يا تتعرض للايجار يا تتباع
وبالتالي كل اللي كان قافل شقه عرض للايجار بقي المعروض كتير فاضطروا ينزلوا الايجار وفضلوا ينزلوا لما كل الناس بقت تاجر في اماكن كويسه بسعر مميز
ليا صديقه كانت عايزه تفتح محل في التجمع لقت الايجار في باريس ارخص وضعف المساحه وفي شارع رئيسي فبقت هتتجنن وتقولي كل المولات الفاضيه دي بدون اشغال ودا سعر الايجار.
مجدي مصطفي، يقول:
اكبر أستثمار خاسر هو الشراء في طلعت مصطفي وعن تجربة شخصية، ومدينة نور ما زالت جبال.
عماد حسن معلقاً قائلاً:
انت بتتكلم ازاي
بيت الوطن افضل بلا منازع
لو جينا للجد يعني
هتلاقي كمبوند نور سعره 3 أضعاف بيت وطن، فمفيش مقارنة.
بيت الوطن التجمع
بيت الوطن التجمع

 

اما احدهم علق قائلا بكل هدوء:
بسعر غرفتين ٨٤ متر في نور (غير الصيانة والنادي) هتقدر تجيب شقة ٢٠٠ متر وتشطبها كمان
فبيرجع على حسب ايه الافضلية ليك
معندكش مشكلة في غرفتين وشقة صغيرة جداً خليك فنور
عايز مساحة اوسع يبقى اكيد بيت الوطن
مع العلم ان التقسيط بدون فوائد في نور على ٧ سنين بعد كدة بفوائد يعني تقريباً نفس مدة التقسيط اللي فبيت الوطن فهي في الاول والاخر اولويات شوف اولوياتك ايه وقرر
آخر لا عاجبه مدينة نور ولا بيت الوطن، قائلاً:
و لا ده و لا ده ممكن اللوتس او النرجس او النرجس الجديدة لان بيت الوطن فيه مشاكل في الخدمات و نور ما هى الا بروباجندا لسه مفيش حاجة على أرض الواقع.
وعلي نفس النهج قال احدهم مختصرا:
ولا دى ولا دى اشترى فى العاصمه مساحه كويسه.
أستثمر في العاصمة الادارية، وتعرف علي افضل العروض والفرص الاستثمارية من خلال معرض يوفن العقاري المتجدد يومياً اضغط هنا

ليه ناس بتأيد نور حدائق العاصمة ؟

نور موقعها بعيد جدا وتعتبر في اخر العاصمة الادارية والناحية الثانية كمان، حضرتك روح الموقع بنفسك وبعدين حدد اذا الموقع والمسافة مقبولين ولا لأ.

ليه يوفن؟

يوفن هو مستشارك العقاري لأفضل استثمار حقيقي، في يوفن دوت كوم نجمع لك جميع الوحدات المتوفرة، ونقارن معك فيما بينها، من حيث الموقع والاسعار والعروض والخصومات المتوفرة ايضا مصداقية الشركة المطورة نفسها ومدي نجاحاتها السابقة،

يوفن ليس بـ بروكر، يوفن هو المستشار العقاري لأفضل أستثمار…

يمكنك الآن التواصل عن طريق

الاتصال بالارقام

+201017130556
+201288231688

او عبر الواتس آب

الحجز في الكمبوند

تعليقات فيس بوك