شركات النصب العقاري في مصر

شركات الاستثمار العقاري في مصر

شركات الاستثمار العقاري هي شركات تستثمر في المجال العقاري بان توفر وحدات سكنية او تجارية او ادارية مع خدماتها ومميزاتها ، ذلك يتقسيط في الاسعار على فترة زمنية طويلة مناسبة وتخفيض في الاسعار ، فتقوم شركة الاستثمار بتوفير وحدات في مشروع ما مثلا واثناء دفع العملاء التقسيط لهذا المشروع تشارف الشركة على مشروع اخر لتستثمر فيه وهكذا ، يسير النظام مع اغلب شركات العقارات الا انه انتشر مؤخرا مسمي شركات النصب العقاري في مصر ، والذي تسبب في تشويه سمعة اغلب الشركات الطيبة في مصر ، وهنا حالة من الحالات التي تصنف من حالات النصب العقاري .

هل ممكن لو انت مغترب وخارج مصر الشقة اللي انت دفعت تمنها وسددت فلوسها او لسه بتسدد تتسحب منك وتروح لحد تاني من غير انت متعرف وكله بالقانون ؟؟!!

 

شركات النصب العقاري في مصر
شركات النصب العقاري في مصر

قضايا النصب العقاري

يعني انا لو محل اقامتي في الإسكندرية وبشتغل في القاهرة اًو حتي في سويسرا ممكن اي نصاب يبعتلي اعلان علي القسم التابع له محل سكني في إسكندرية و هذا يعتبر اني قانونا استلمت الاعلان ؟؟
هل المطلوب مني ان كل اسبوع اعدي علي القسم اشوف في نصاب بعتلي اعلان ولا لا ؟
وايه الحل اًو الوضع القانوني لو حد تعرض للاحتيال بهذا الشكل ويطلع حكم نهائي بتسليم شقتي لنصاب ؟؟

تعالوا نشوف ردود الناس على ” شركات النصب العقاري في مصر “

مروان بيقول ” محامي شاطر بيفهم ده الحل

شريف بيقول “

حضرتك في بند في اى عقد هو ان الطرفين اتخذا العناوين المذكورة بصدر هذا العقد موطنا قانونيا لهما تصح عليه كافه الاعلانات و في حاله تغيير اى منهما للعنوان فيلتزم باخطار الطرف الاخر
عموما القانون سمح لمن لم تنعقد الخصومه في مواجهته بالطعن من تاريخ علمه اليقينى بصدور حكم في مواجهته

تامر رد علي شريف “

تمام يعني لازم اخطار الشركة بتغير العنوان حتي لو خارج البلاد ،، يعني لو في دبي اخلي المحامي بتاعي في مصر يبعت اخطار بتغير العنوان علي البلد اللي انا فيها
ومكمن بعد كده الطعن الحكم لو في احتيال ؟؟

وشريف قاله “

 حضرتك لو غيرت عنوانك او تركته بتعمل انذار رسمى بالوطن القانونى المختار الجديد
اما الطعن فمتاح و حيتم اثبات ان علم الطاعن لم يتصل بالدعوى بتقديم نموذج البريد الذي يثبت عدم الاعلان الفعلى و تعاد الدعوى لاول درجه من جديد كانها لسه مرفوعه
وتامر سأل تاني ” طيب حضرتك حوار الاعلان علي قسم الشرطة ده يعتبر زي قلته يعني الاعتماد علي البريد ؟؟
رد عليه المحامي شريف “ عموما الشركه لو عاوزة تؤذى المشترى بتعمل عقد بيع للوحدة بموجب الصيغه التنفيذيه اللى اخدوها و لما يعود الحكم من تانى لاول درجه يدفعوا باستحاله التنفيذ و يخلوا اللى اشترى صورى يتدخل هجوميا في الدعوى و يعرضوا المبلغ اللى سددة المشترى السابق بالاضافه للتعويض
وحوار الاعلان علي قسم الشرطة زي قلته طالما لم تنعقد الخصومة
أحمد قال “ اتخاذ الطرفين من عناوين معينة موطنا مختارا لتلقي الاعلانات القضائية و اوراق المحضرين بشأن المنازعات المحتملة مستقبلا التي قد تنشب بخصوص تنفيذ العقد ، لا أثر له في صحة الإعلان من عدمه ، و لا يجوز قصره و تحديده و تقييده ابتداءا علي محلا بعينه ، و إنما العبرة دائما و أبدا بالموطن الحقيقي للشخص الذي يقيم فيه فعلا وقت توجيه الإعلان .

جيجي شكلها فاهمة وقالت “

بتقيمي دعوي بطلان الحكم لانعدام الخصومة
لو كنتي خارج البلاد بتجيبي شهادة تحركات
الحكم هيتلغي وينعدم كل اثارة

اسماعيل قال “

هو شغل محامين فعلاً
ولا عيب في ذلك
المحامي مجرد وكيل لصاحب المصلحة سواء كان مشتري أو بائع ، شركة أو شخص طبيعي
نصابين العقارات
نصابين العقارات

زينيب دخلت علي الخط وقالت “

طيب لو اللي بيعمل كده نصاب ماشي مفيش حل تاني وتعملوا معارضه وتشوفوا سكة القضايا هنوصل لإيه
اما لو اللي بيعمل وبينصب بالشكل ده شركة عقارية تبقي مهزله لازم وقفه ..ممكن القانون يكون مش رادع ..لكن شركة يعني ليها عملاء يعني لازم يخدوا حذرهم منها
لان اللي هيعمل كده مع عميل واحد هيكررها مع اي عميل يقدروا ينصبوا عليه
محمد هاجم صاحب الموضوع وقال ” مش علشان وقعت مع نصاب تخوف باقي الناس .. كلام ملهوش اي لازمة دا تهويل وتخويف من تجربة سيئة ليك ومينفعش تعمم !!!!!

رامي تدخل ودافع عن صاحب القصة وقال “

وليه متقولش توعيه للناس .. اعتقد ناس كتير استفادت من البوست واكتشفت ألاعيب ماكنتش تعرف عنها حاجه
وكمان الشركة النصابه اللي متاخرة بالسنين ورايحه تفسخ عقد عميل تعرف ان الدنيا مش سايبه

مجدي تدخل وقال ” 

من الأشياء الهامة في القانون حق الشخص في تحديد محلة المختار و هو العنوان الذي يختاره الشخص ليكون عنوان المكتبات و المراسلات القانونية.
و في غالب الحال لمن يتعاملو بصفة مستمرة في ال خطابات و الاعلانات و خلافه. يختار الشخص عنوان عمله أو عنوان مكتب المحامي الخاص به. و ده بيذكر في العقد. و بالتالي أي إعلان بقضية يروح على مكتب المحامي بتاعك على طول و ساعتها الشركة مجبرة تبعت على العنوان ده و المحامي بتاعك هيلحق يدافع عنك ضد أي محاولة للنصب..
و ربنا يسترها عليك دائما”
تامر رد علي مجدي “ الثغرة اًو القصور لو انت مش موجود في محل إقامتك هنا بتستغل استغلال سيي من النصابين اًو من الشركات العقارية

مجدي رجع وضح لتامر وقاله “

كل واحد عارف فين محل إقامته.. أكتب الحقيقي و ما تنصبش على نفسك.. و أنا وضحت إن من حقك الشخص اختيار محل مختار لنفسه يكون عنوان مراسلات القانونية.. ممكن يكون مكتب المحامي بتاعك أو منزل قريب ليك أو منزل والدك أو حماك. ليه تحدد عنوان إنت مش متواجد فيه و ترجع تلوم الناس ؟!

المستشار القانوني قال “

المشكلة في مدة إجراءات القضية
لكن ده حكم غيابي قابل للاستئناف أي وقت
فتحي فجر مفأجاة وقال ” كلام فارغ طبعا واللي كتبو عبيط طول انتا ممضتش علي الاعلان بخطك يبقي موصلكش او حد من قريبك !!
وكمل فتحي كلامه “ موضوع فسخ العقد دا مش بالساهل كده تروح ترفع قضيه تفسخ العقد في قضايا بقاله ١٠ سنوات واكتر الموضوع مش بالبساطه اللي مكتوب بيها البوست كده ابعتلك انذار وبعد كده العقد يتفسخ والا كانت تبقي فوضي

مجدي المحامي رد علي فتحي  قال “

 طيب.. خد الكلام من المحامي.. أنا راجل استئناف و أسمعك الصح بإذن الله.
أولا الاعلان الإداري ده إعلان قانوني و مش لازم تمضي إنك استلمت.. و أنا كمحامي مجبر اعلنك على عنوانك الموجود في العقد و إلا المحكمة هترفض الاعلان و طالما المحضر نزل و عرف إن العنوان ده سكنك حتى لو مش متواجد عادي بيعلن اداري و نافذ قانونا.
و لو اترفع قضية الخصم مش حاضر طبعا بتخلص أسرع بكثير. و طالما تم الاعلان بالحكم و لم يقوم الخصم بالاستئناف في المواعيد القانونية الحكم بيصبح نافذ في مواجهة الخصم و هذا أمر بديهي هي لا يستخدم الخصم عدم الاعلان أو التهرب من الاستلام وسيلة لأكل حقوق الغير.
مبدأ ال موازنة بين الحقوق في التقاضي و الدفاع يا فندم مبدأ قانوني جوهري.
و أهم أسباب طول أمد التقاضي هو تلاعب الخصم الأضعف و استخدامه أساليب إطالة مدة الدعوى و دي أساليب للأسف قانونية و الهدف منها إعطاء الحق الكامل للدفاع.
الواقعة المكتوب حدثت و عرضت و صدر فيها حكم و شفنا الحكم و حدث بعدها تصالح و اتفاق مع صاحب الشركة
تحياتي لحضرتك “
محمود سأل سؤال “ يعني عدم اعلام المشتري للشركه عن تغيير محل سكنه ده يفيد ولايضر في هذه الحالة؟؟

مجدي المحامي قال “

 دايما لازم تعلن الشركة بالطريق الرسمي على يد محضر لو غيرت عنوانك علشان لو عمل أي حاجة يكون ملزم يرفع عليك في العنوان الانت عاوزه و عارف إنك هتستلم أو هتعرف إن في حاجة من عليه
مسعد سأل سؤال منطقي “ وايه حجة الشركه في فسخ العقد طالما الاقساط بتسدد في مواعيدها والشرطه بتستلم الفلوس أو الشيك ووكيل المالك بيستلم إيصال من الشركه؟؟

مجدي رد علي مسعد وقال “

لقصة دي حصلت مع حد فعلا بس كان تأخر لفترة و الشئون القانونية خدت الاجراء و هو رجع يبعت الفلوس إيداع في حساب الشركة و المحامي كمل الاجراء و خد حكم فسخ ضد المشتري.. بس اتحلت مع الشركة في النهاية ودي..
و فعلا المشتري كان خارج البلاد و نعرفش غير عند تاريخ الاستلام

نهي اعترضت وقالت “

 ايوه يعني دي حاله خاصه ومسببه
وفيه بينه موضحه من المدعي ع المدعي عليه وهي امتناع الطرف التاني عند دفع الاقساط ومعظم العقود بل جميعها ملزمه الطرف الثاني بدفع مبالغ مقدره ف مواعيد محدده اذا اخل الطرف الثاني يحق للطرف الاول فسخ العقد عن طريق المحاكم المختصه
والعقد شريعه المتعاقدين

مجدي رد علي نهي وقال “

دي حقيقة العقد شريعة المتعاقدون.. و لكن في مبدأ قانوني مهم و هو تكافؤ الحقوق و الالتزامات.. يعني لو كان الخصم حضر و دافع عن نفسه و سدد المتأخرات كانت القضية خدت رفض.. أو أتحكم بالغرامة أو التعريض.. مش هيتحكم أبدا بالفسخ من المحكمة إلا عند الامتاع عن السداد مطلقا

نهي كملت وقالت “

الخصم يعلم علم اليقين بشروط العقد والامتناع يبيح التصرف
وعارف التزاماته والمستحقات الواجب دفعها بمواعيدها
ف التهرب او عدم الدفع نيه سوء ولو كانت غير ذلك وجب عليه ابلاغ الطرف الاول
وبياناآ لمبدآ التكافل
هناك نصوص واضحه تحق للطرف الثاني فسخ العقد اذ اخل الاول بشروطه
ك ميعاد التسليم او تغير العين المقدره بمواصفاتها المبينة بالعقد او غير ذلك بناء ع رغبه الطرفين والرضاء الكامل دون غش وتدليس
شركات النصب العقاري في مصر
شركات النصب العقاري في مصر
مجدي رد علي نهي ” 

هو من الواضح إنك مش على علم بالواقعة أصلا.. الخصم تأخر في السداد.. الشركة خدت اجراء.. الشركة تواصلت معاه علشان يرجع يسدد.. فرجع يسدد.. عند موعد الاستلام بعت حد القاهرة يستلم.. و الصدمة.. في حكم فسخ و هو مستمر في السداد بعد الحكم و الشركة بتاخد الفلوس عادي.. هو إحنا بنتكلم في إيه.

البوست تحذير للناس على أن يكون عنوانها في العقد عنوان حقيقي لو جه عليه إعلان من المحكمة هو يعرف بيه مش يتنصب عليه بسبب العنوان الغلط يعني
هالة هاجمت صاحب الواقعة وقالت ” دا هبد وهجص مافيش الكلام دا يافندم في س 6 مراسلات ومواعيد استءنافك مفتوحه وشهاده تحركات وطرق اثبات كتير جدا بتاخد حقك بيها والمحكمه بتاخد بيها ومافيش حاجه اسمها يتاخد حكم عليك وانت ملتزم في كل شيء المدني ورق ايه دليل الشركه ضدك اللي المحكمه حاتكم عليه بعيدا عن الاعلان

حسن تدخل وقال هو كمان “

انا عندي تفاصيل المشكلة وفعلا العميل مهاجر والشركة ارسلت الاعلان علي قسم الشرطة محل اقامته في مصر واخدت حكم نهائي بالفسخ والعميل لم يكن علي علم بما حدث
والشركة للآسف مش عارف اوصف االي عملته بعد كده بايه الا نصب
الشركة بعد حكم الفسخ طلبت من العميل يحولها المتأخرات علي حساب صاحب الشركة البنكي !!
حاتم هاجم الموضوع وقال ” الكلام ده خطأ وتخويف ، تقدر تكتب في العقد انا خارج البلاد راسلني علي الايميل ( فيه اختراع اسمه ايميل ) او الواتس او رن وانا هتصل ، دي كلها اختراعات موجودة

كيف تحمي نفسك من النصب العقارى

في الحالة المطروحة كيف تحمي نفسك من النصب العقارى :-

احمد قال “ يفندم لو اتعادت المحاكمه وثبت فعلا ان الشركه بتنصب..هتبقى مصيبه على دماغهم وهيروحو فى ٦٠ داهيه وهيبقى فى تعويض وبلاوى سودا…والشقه الى اتباعت هترجع لصاحبها تانى وبحكم محكمه…بقى انا ابقى متعاقد على شقه وبدفع اقساطى ومفيش تاخير انزل الاقى الشركه فسخت العقد بحكم غيابى وباعتها كمان لحد تانى….هيروحوا فى داهيه…وبعدين الحل بسيط…اعمل صحه توقيع حضورى على العقد …تنفع عادى ختى لو لسه ابتداءى ولسه فيه اقساط وحط بند يلزم الشركه او من ينوب عنها انه يحضر الجلسه ويقر بصحه التوقيع ..كده يبقى انسى ان حد يقربلها او يخل بربع بند من الى فى العقد
نترك لحضراتكم الاستفادة من اراء الناس والتعليق ومراسلتنا بقضايا مشابهة 
تقبلوا تحياتي 
سعودي السيد 
موقع يوفن دوت كوم ( قريبين منك ) 
اقرا ايضا  قضايا النصب العقاري ……..
اقرا ايضا النصب عن طريق الواتس اب

لمزيد من الأستسفارات؟

يمكنك الآن التواصل عن طريق

الاتصال بالارقام

+201017130556
+201288231688

او عبر الواتس آب

الحجز في الكمبوند

تعليقات فيس بوك