ازاي تستلم وحدتك العقارية وتأجرها ؟

في هذه الكبسولة العقارية السريعة أوضح لك تفاصيل ازاي تستلم وحدتك وتاجرها؟

ازاي تستلم وحدتك وتاجرها 🍁

شريحه كبيره من المستثمرين مسبقش انهم مروا بتجربه الشراء بالاقساط والاستلام خلال سنوات 

حبيت اوضح بعض النقاط المهمه  اللي اكيد هتفيدك وانتا بتستلم ..

اولا لو بتستلم شقه 

بتقيس التحميل بتاع وحدتك زي المتفق عليه ولا لا..

بتدخل بدايه من الابواب بتشيك عليها بشكل كامل سواء باب الشقه او الغرف ..بتاخد معاك كهربائي يشيك علي كل كهرباء الشقه والاسلاك والفيش .. بتتاكد من ضغط المياه بتتاكد من الصرف .. بتتاكد من الدهانات والارضيات ..

في حاله لقيت اي تعليق ..❓

بتكتب كل تفصيله مش عجباك في ورقه خارجيه وبتبلغ بيها المسئول .. لاجراء تعديلات 

كده كده المطور مش بيدفع حاجه من جيبه ❌

التفاصيل دي اللي بيحاسب عليها المقاول ..وبيتم حجب 5% من عمولته لحين تسليم الملاك 

فطبيعي لو مسلمش كويس او فيه اي تعليقات مش هياخد نصيبه غير لما يعمل شغله علي اكمل وجه

في حاله استلام محل او مكتب❓

الامر بيكون اسهل لان المساحه اقل وبتكون مساحه فاضيه ف بتتاكد من التحميل بتاع وحدتك ..و بتتاكد من الصرف والكهربا والمياه 

لو كل حاجه تمام بتمضي علي محضر الاستلام انك استلمت وحدتك ..

في حاله نيه التاجير 💥

بتبلغ الوسيط او البروكر اللي اتعاملت معاه عشان يساعدك ويبلغك باكتر من طريقه تسوق بيها وحدتك 

واوعي تتنازل عن قيمه التاجير خوفا انها متتاجرش ..سيبها احسن ولا انك تاجرها بسعر اقل لانك هتبوظ سوق ايجارك بنفسك وكتير من العملا هيمشوا وراك ....⚠️

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...