هل اشتري صيدليه ولا محل تجاري فى العاصمة الادارية الجديدة ؟؟

في هذه الكبسولة العقارية السريعة أوضح لك تفاصيل تشتري صيدلية ولا محل تجاري!

تشتري صيدليه ولا محل تجاري ؟؟

خلينا متفقين ان الاستثمار التجاري اعلي ROI واعلي RATE ايجار في العالم وليس العاصمه فقط ...

أولا الصيدلية

نيجي لاول حاجه معانا (الصيدليه )..

وحده PREMIUM مميزه مش موجود منها زي الشقق والمقرات الاداري والمحلات .. الندره دي هتميزك جدا وهتخليك تأجر باسعار متميزه عشان وحدتك مش موجود منها كتير ..

بس خد بالك 

الصيدليه بيكون ليها اشتراطات مهمه جدا ومش اي صيدليه مميزه الا لو توفر فيها:

1. ارتفاع السقف لايقل عن 6 متر ( عشان الميزان او السندره )
2. عدد عيادات مناسب 
3. بين اقرب صيدليه وصيدليه لا تقل المسافه عن 100 متر 
4. عرض الواجهه لاتقل عن 4 متر 
5. الصيدليه لابد ان تكون متشافه وظاهره للماره

ثانيا المحل التجاري 

طبعا المحل التجاري رقم واحد سواء في (الايجار /التشغيل /الريسيل )

وحتي الصيدليه تندرج تحت مسمي *محل تجاري *

1. مش اي محل مميز 
2. ارتفاع السقف علي يقل عن 6 متر 
3. عرض الوجهه لا يقل عن 3.5 متر 
4. المحل = لوكاشن 
5. لازم تركز في لوكاشن المول ولوكاشن المشروع 
6. مش شرط المحل يكون علي شارع رئيسي .. محلات كتير وبراندات في مولات ولوكاشن داخلي المهم يكون متشاف 
7. جنب سلم / اسانسير /مدخل /مخرج / فود كورت / كيدز اريا /....

باختصار المحل هيجبلك ايجار زي الصيدليه بالظبط 

فلو حضرتك مش هتشغل خليك ف المحل عشان اقل سعر صيدليه هيكون من 10 مليون فيما فوق وبيوصل ل 30 مليون.

تخيل بقي لو جبت مساحه محترمه من المحل هتكون اقل من كده بكتييير حسب تميز المشروع.

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...