هل شهادات الفايده 18% افضل ولا العقار في الظروف الحاليه ؟!

في هذه الكبسولة العقارية السريعة أوضح لك تفاصيل هل شهادات الفايده 18% افضل ولا العقار في الظروف الحاليه؟

هل شهادات الفايده 18% افضل ولا العقار في الظروف الحاليه

الظروف الحاليه صعبه جدا من حيث (غلاء الاسعار/ارتفاع معدل التضخم /ارتفاع قيمه الدولار امام الجنيه )

ودي ظروف عالميه اغلب الدول بتمر بيها ..

في كذا سؤال ممكن يجي في بالك 

📕هل الشهادات بتاعه الفايده مفيده ليك في الوقت الحالي 

📗الشهادات افضل ولا العقار 

📒هل الظروف الحاليه هتأثر علي نقل الوزارات والمنشأت الحكوميه بالعاصمه 

📗هل بالفعل في توجه من المطورين بزياده الاسعار 

خلينا نتكلم عن الموضوع من اوله ..امريكا اتجهت الي زياده معدل السندات والفايده وبالتالي اتجهت الدول العربيه من ضمنهم مصر بزياده الفايده لتخفيف الضغط علي عملتها وسوقها وعشان تحافظ علي المستثمرين والسيوله ف البلد لانهم هيلاقوا فرصه انسب ليهم من انهم يتجهوا لي تحويل الاموال للسوق الامريكي  والاستفاده بفايده سنويه ع الدولار..

هل الفايده مفيده ليك ف الوقت الحالي 📕

الفايده غرضها الاول والاخير هو جمع اصول الاموال من المودعين والحفاظ علي الموازنه العامه والحفاظ ع المستثمرين بس السؤال هنا هل رفع الفايده السنويه (لمده سنه واحده)  مربح ؟؟ في ظل ارتفاع معدل التضخم وزياده الاسعار علي كافه المواد سواء الاوليه الخام او المنتجات النهائيه (لاسباب هنتكلم فيها في موضوع تاني ) ... 

طيب حضرتك دلوقتي هل كل حاجه هتزيد والعقار هيثبت مكانه ؟؟في ظل ارتفاع اسعار الحديد والصلب والاسمنت وخامات التشطيب ؟ الاجابه طبعا لا الزياده هتكون ع كل حاجه ..❌❌

بمعني اصح العقار اللي بمليون النهارده توقع انه يزيد في خلال سنه بنسبه من 20% ل 30% في ظل الاحداث اللي بتحصل دلوقتي ..اذن قوتك الشرائيه هتتاكل في ظل معدل التضخم  لو سبت فلوسك في البنك ❌❌ وكمان الفايده مش مفيده ليك لان معدل التضخم لا يتناسب مع ارتفاع الفايده ❌

العقار يعتبر افضل وسيله في ظل الاحداث دي وخاصه الشراء بالتقسيط الطويل

مثال: هتدفع 200.000 مقدم مكتب اداري وعندك في السنه 4 اقساط والقسط 64.000 لوحده تمنها 2 مليون جنيه .. نفس الوحده دي ف العاصمه وصل سعرها 2 مليون ونص اذن الزياده 25% 

خلال سنه واحده .. كمان انتا دفعت 10% فقط واربع اقساط طب خلال سنوات قليله سعر وحدتك هيكون كام ؟؟❓

تاثير الظروف دي علي نقل الوزارات والمنشات الحكوميه ؟📗

طبعا في تاثير مش مش بنفس النسبه ع القطاع الخاص لان ببساطه اغلب المنشاءات الحكوميه زي الحي المالي والاعمال المركزيه والمساجد وغيرها خلصانه بنسبه كبيره جدا ع ارض الواقع واصلا اغلب مواد البناء كانت من مصانع القوات المسلحه فالتكلفه كانت اقل ..وده هياخدنا ع السؤال الاخير.

هل المطورين بالفعل هيزودوا الاسعار ؟📒

هما مش هيفكروا هما بالفعل في مطورين زودوا الاسعار وفي مطورين وقفوا بيع عشان يزودوا الاسعار.

لان ببساطه تكلفه مواد البناء والخامات وغيرها لا تتناسب مع التسعير فبالتالي لاااازم الاسعار تزيد ع اللي هيشتري واللي اشتري كسب بالفعل لان لا يجوز تغيير العقود بين المطور واللي اشتري غير في الجمعيات فقط 🚫

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...