ما هو سبب اختلاف اسعار الوحدات السكنية من كمبوند لاخر فى نفس المنطقة؟

في هذه الكبسولة العقارية السريعة أوضح لك تفاصيل ما هو سبب اختلاف اسعار الوحدات السكنية من كمبوند لاخر فى نفس المنطقة؟

أسباب اختلاف اسعار الوحدات السكنية من كمبوند لاخر فى نفس المنطقة

لما بتشتري شقة في العاصمة و تيجي تقول ليه الأسعار غالية اوي  كده في الكمبوند الفلاني؟!

ده أنا شوفت  مشاريع تانية في نفس الحي و سعر المتر فيها أقل من كده بكتير.

أنا هديلك مثال غير صحيح بنسبة كبيرة بس الهدف منه هو محاولة  توصيل الفكرة بمناطق أنت عارفها من سنين  مش أكتر إما  العاصمة  الأدارية هي مدينة كبيرة مش مجرد حي و هتكون أقل حاجة فيها مستواها راقي جداً  بالنسبة لأحياء العاصمة القديمة.

المثال: زي أي حي  راقي في القاهرة أو الجيزة مثلا  لازم هتلاقي فيه مستويات و كلهم تابعين ( لحي واحد) 

مصر الجديدة: في شارع نهرو  و الميرغني  وبرضه في عزبة المسلمين.

حي المعادي:  عندك سرايات المعادي و في برضه حدائق المعادي.

مدينة نصر: عندك المربع بتاع جنينة مول و في برضه زهراء مدينة نصر.

والمدن الجديدة زي العبور عندك  جمعية عرابي و في برضه أسكان شباب و مستويات مختلفة.

حتي لو عندك شقة في المرج قصاد محطة المترو هتحس بتميز  عن جارك اللي ساكن في شارع داخلي.

الموضوع مش عنصري بس التفاخر و التباهي غريزة في البشر.

و الأنسان الطبيعي هو اللي بيعرف يتحكم فيها بالعقل ويحطلها حدود تتناسب مع أمكانياته.

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...