معايير الشراء الناجح في العاصمة الإدارية الجديدة

في هذه الكبسولة العقارية السريعة أوضح لك تفاصيل معايير الشراء الناجح في العاصمة الإدارية الجديدة .

معايير الشراء الناجح في العاصمة الإدارية:

ـــــــــــــــــــــــــــــــــــــــــــــــــــــــــــــــــ

لو هنتكلم على التجارى او الادارى بشكل اكبر .. فى اكتر من نقطه ياريت نركز عليهم واحنا بنشترى لانهم هيفرقوا ف الاستثمار ف الوحده بتاعتنا 

1- لوكيشن المشروع 

اهم حاجه ف العقار هو اللوكيشن وانت فين من الخدمات اللى موجوده وعلى شارع رئيسي ولا جانبي والمشروع بيبص على ايه بالظبط 

2 - اسم المطور

الاهم من وجود سابقة اعمال كبيره لازم تكون سابقة الاعمال من ضمنها مشاريع ومولات تجاريه واداريه 

3 - شركة الاداره

ودى من اهم النقط لان ده اللى بينجح مشروع عن مشروع زى بالظبط سيتي ستارز وسيتي سنتر ف مكرم عبيد ..

سيتي ستارز شغال بقوه عكس سيتي سنتر وده يرجع لشركة الاداره مع ان لوكيشن سيتي سنتر افضل

4 - حجم المشروع وخدماته

ف التجارى بالذات كل ما كان المشروع مساحته اكبر بتكون الخدمات اكبر بشكل كبير من حيث عدد  الاسانسير والسلالم الكهرباء و طريق الخدمات

وده بيفرق جدا مع البراند لما يجي يأجر ..ليه يأجر ف المشروع ده بالذات ؟ 

لانه موفرله الترافيك والمحل بتاعه متشاف 

5- لوكيشن الوحده والڤيو..

كل وحده بتختلف عن التانيه ف اللوكيشن بتاعها والفيو الخاص بالوحده .. ک مثال 

سعر وايجار وحده امام الاسانسير والسلم الكهربائى اعلى بكتير من وحده داخليه او مش متشافه 

6 - اكواد الوحدات

وده مش متوفر الا ف بعض المشاريع ف العاصمه هما اللى محافظين على الاكواد وطرق بناء التجارى 

ارتفاع المحل كام .. عرض واجهة المحل كام × كام 

عرض الباب كام 

7- مساحة الوحده ونسبة التحميل ..

للاسف جزء كبير من العملاء والمطوريين مش مراعيين الجزء ده وبينزلو مساحات من ٢٠ و ٣٠م تجارى ..

مع العلم ان عداد الكهرباء مش هيدخل لوحدات الصافي بتاعها اقل من ٢١م

البراند دايما بيحب المساحات الكبيره اللى هيقدر يعمل فيها الديكور بتاعه ويعمل شغله والفرش بتاعه ف ياريت نكون مراعيين الجزئيه دى ف قرار الشراء..

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...