معلومات لأول مرة لو عرفتها هتتصدم عن العقارات فالعاصمة

في هذه الكبسولة العقارية السريعة أوضح لك تفاصيل معلومات لأول مرة لو عرفتها هتتصدم عن العقارات فالعاصمة 

سامحنى ف المقالة  دى أكيد مش قصدى اصدمك 

عارف الصيدليات فى العاصمة

اهى دى كلها ف تراخيص المولات تجارى فقط والمالك اللى هيسعى فى تراخيصها

ووفقا لقوانين تراخيص الصيدليات لازم يكون بين الصيدلية والصيدلية 100 متر على الأقل

اقولك سر كمان .. لما تيجى تستلم وتشغل مش هتغطى اقساطها لحد ما اقساط الصيدلية نفسها تخلص بالرغم انها اغلى حاجه فى البيع لكن مش هتجيب همها فى اول 7 سنين .. خدها منى نصيحه

اقول سر كمان

المحل الارضى اللى انت واخده مش احسن حاجه لو مش على ناصيه او مدخل او مخرج او شارع رئيسى أو متشاف وواجهة المحل اد ايه وليه مدخل منفصل ولالا

كمان سر المكتب الادارى مش مهم يكون على بلازا ولا لاند سكيب لكن المهم سهولة الوصول لمكتبك والعنوان السهل والمميز والمساحة

الادارى ليها اماكن معينه والتجارى كذلك فمتشتريش تجارى ف ملعب الادارى والعكس

هتسمع عن الفندقى وجايبين وجايبين لازم تسأل 1000 مرة لان الفندقى الريسك بتاعه كبير واما يبقى زى الفورسيزون او لوكاندة المندرة 

طول ما أنت بتدور ع الأرخص هتلبس فى الحيط .. أه وربنا خدها منى عشان السيلز بيدوس على حته السعر دى أوى

دور ع القيمة وطلع مشروعين او تلاته ... خد نفس طوووويل ... واختار ارخصهم .. أنت كدا ف السليم 👌

اما تيجى تسألنى فى حاجه متقوليش ايه رأيك ف الشركة دى عشان هقولك كويس .. تعالى اسالنى ف طبيعه استثمارك سؤاء تجارى او ادارى الخ الخ ونشوف انسب مكان فين؟!

أما تيجى تسألنى عن نصيحه اسال ف النقطه المهمة اللى قلقان منها وارجع كمل مع الراجل اللى معاك ... متكملش معايا وتضيع تعبه أو متضيعش وقتى عشان أنا وقتى دا أكل عيشى ومهنتى بقدم استشارات عقارية مش صديق شخصى ولا حاجه 

زى الدكتور والمحامى والصنايعى وأى مهنة تانيه

بص بقى الشركات هتنقسم لأنواع

نوع أول بيستخدم حيل تسويقية زى تفويض وايجار الزامى وعائد الخ الخ ودا لازم تتعامل معاه بحرص وتميز بين الشركات وبعضها.

نوع تانى بيقدم منتج متكامل محترم بسعر عادل ودا هنتكلم عنه ويعتبر أهم نوع ودا لازم تتابع البوستات والفيديوهات السابقة 

نوع تالت تحت السلم وبيعتمد ع البروباجندا والاعلانات واستقطاب السيلز انهم يشتغلوا معاه ويقولوا انه كويس ومحترمين جدا فى مقابل ياخد مقدم كبير عشان يقدر يعمل انشاءات بفلوسك وغالبا المنتج النهائى ضعيف لكنه هينافس فى الايجار الرخيص وليه الزبون بتاعه برضه.

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...