مقارنات العميل الفاشلة لشراء عقار

في هذه الكبسولة العقارية السريعة أوضح لك تفاصيل مقارنات العميل الفاشلة؟

مقارنات العميل الفاشلة

جرب كدا تقول هشتري في الحي الحكومي؟ هتلاقي الداون تاون وال MU23. CBD بقوا أفشل استثمار..

جرب تعكس وتقول هاخد حاجه في ال CBD ! في ثانيه هتلاقيها الايمدچ والشركات المالتي ناشيونال والايجار بالدولار وكلام جميل كتير كدا.

جرب تقول عايز اشتري في الداون تاون! هتسمع "المنطقه التي لن تتكرر".

تخيل بقا لما تقول MU23 ! متخيل كم التقطيع اللي بيُقال على باقي المناطق! وهتسمع كلام معسول ملوش مثيل عن المنطقه وكثافتها السكانيه.. الخ

هل دا شيء يعيب المناطق او يخلقلها مزايا وهمية؟ 

خالص يافندم ..

انت كعميل اسئلتك اللي بتثيرها بشكل عايم كدا بتدل انك معندكش background عن بديهيات العاصمة، وفي نوع من العملاء بتكسل تفهم، كأن الفهم مربوط بالشراء.. 

واحنا كمستشاريين عقاريين مينفعش نمشي على الهوى، انت بتقول وجهة نظرك من حيث "الأضمن-الاقوى-الانسب" وفقاً للمعايير واللي بالمناسبة بتختلف من التجاري للاداري للطبي للفندقي والسكني اكيد 👌

 تجنبا لشراء السمك في المايه وتجنبا لبيع الوهم متشتريش وفقاً لاهوائك ولا اهوائي كاستشاري.

المعايير تحط رجل على رجل يافندم وهي اللي تختار لحضرتك الأنسب.

بناء عن ال ROI وال ROA  مش سمك لبن تمر هندي.

طب لو العميل جاي على مشروع معين ومقتنع بيه؟ مادام كويس ومشروع محترم يبقا متتعبش  نفسك وتشتت افكاره وتفضل تشفته من X ل Y ل Z  

انت بس ساعده في اختيار الوحده نفسها في المشروع لانه مهم جدااااااً

انت ك عميل عايز تاخد الافضل من كل الجوانب..معاك وحقك الطبيعي، بس انت الاول بتقارن بين مدينة نصر ومصر الجديده! تشابه رهيب وحاجه توهان، ف الاحسن تقارن بين الميرغني مثلا وعباس العقاد وتشوف ايه هيحقق طموحاتك، لكن متجيش تقارن بين الميرغني. ومحل في اخر انبي ولا مرمي ورا وتقول ما دي مقارنه بين مدينة نصر ومصر الجديده برضو !! 

اكتوبر وزايد بعيده؟ عشان انت شغلك وقرايبك وحياتك هنا 

جرب تسأل سكان زايد كدا برضو؟ هتبقى التجمع هي اللي بعيده...

هل زايد واكتوبر مفيهاش اماكن مهمه جدا في البلد! هل خدماتهم أقل من التجمع؟ طب التجمع !

الشاهد هنا إن قبل ما تقول وجهة نظر أو قبل ما تاخد بوجهة نظر خليك منطقي مش عاطفي وبما انك جاي تستثمر في العاصمه ف انت جاي تحط فلوس تجني أرباحها بعد فتره من 5 ل 10 سنين عالاقل، المصطلحات الكيوت اللي بتسمعها مش زي ما انت متخيل، ف بما انك قررت تستثمر في العاصمه ف انت حد واعي وعارف يحدد اتجاهاته كويس، ف متبوظش الطبخه ب جنيه ملح.

ومتنساش ان اللي مش هيشتري فى العاصمه هيندم 👌💸

بس متنساش برضو إن اللي هيشتري غلط هيندم👌💰

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...