نصائح مهمه جدا لكل مشترى فالعاصمة الادارية الجديدة

في هذه الكبسولة العقارية السريعة أوضح لك تفاصيل نصائح مهمه جدا  لكل مشترى فالعاصمة الادارية الجديدة 

لو انت حد بيشتري في العاصمة  اعتقد الكلام ده هيفيدك 

 كمشتري محتمل (العميل):

** العاصمة تحديدا أو السوق عامة اتغير مبقاش زي زمان يعني فكرة اني اشتري وابيع بعدها بسنة ولا اتنين ده غلط ومش مناسب لوضع السوق دلوقتي ولكن الاصح ان يكون معايا كمشتري المقدرة اني ادفع أقساط لحد بعد الاستلام بسنة على الأقل ان مكانش المدة بالكامل عشان تقدر تقول انك استفدت وكسبت ولا لا

** العاصمة كسوق جديد هتلاقي فيه عرض كبير من مطورين كتير فيهم اللي داخل بفلوس وبس (مقاول) ومش فاهم يعني ايه تطوير وده فرق كبير

ودور البروكر المحترم الفاهم هنا انه يفرقلك بينهم ويوجهك للصح والانسبلك ولو حضرتك روحت اشتريت لوحدك على السعر الاقل ولا على اي عرض خيالي خزعبلي وجريت وراه بدون دراسة صح او مستشار حقيقي فاهم يفهمك الواقع من الخيال يبقى اكيد هتلبس هتلبس وده يبينلك دور البروكر (الفاهم) اد ايه مفيد ومهم عشان ده هيفيدك طول الوقت مش في بيعة وخلاص.

** فيه مشتريين بيفكروا يستنوا المشروع لما يخلص ويشتري كاش ويشوف بعينه الوحدة اللي هيشتريها وياخد خصم كمان ع الكاش ويقولك انا كده بقلل ال risk

دي مدرسة تانية في الشراء ومش غلط بس مهم انك تعرف الفرق بينها وبين الشراء بدري بالتقسيط وساعتها تشوف هتمشي بانهي مدرسة فيهم وهوضحلك الفرق سريعا.

- القسط بتاخد سعر قليل وبتختار براحتك وبتاخد مكان مميز اما الكاش فبيكون مضطر ياخد اللي موجود بعد ما معظم المشروع اتباع وغالبا بيختار مكان أقل تميز وسعر أعلى بكتير حتى لو عليه خصم فهيكون مكسبه فيه أقل من مكسبك وعشان خدت مخاطرة بتاخد قصادها مكسب (no risk no money)

- لو اشتريت قسط بتشتري باللي متاح معاك من فلوس مش بكل اللي معاك وهنا فيه فرق برضه ويفضل زي ما قلت قبل كده ان يكون معاك المبلغ كامل تقريبا بس متدفعوش كله وعشان الاتجاه العالمي للقسط حتى لو معاك الكاش وهنا انصحك تحط فلوسك في البنك بفائدة يومية أو شهرية يعني مش شهادات متعرفش تتحكم فيها وساعتها ادفع مقدمك واسحب قسطك كل ٣ شهور وهتستفيد بالفايدة وهتستفيد بفرق السعر في وحدتك وهتكون كسبت من الناحيتين.

- متشتريش كاش واستلام فوري الا لو هتستخدم وحدتك بغرض السكن أو العمل ولكن كاستثمار مدرسة التقسيط أفضل.

- قبل كل ده مهم تشوف خبرة المطور بعنيك يعني تشوف سابقة اعماله الفعلية عشان تشوف اسلوبه في الشغل بس مهم انك تعرف انه هيقدملك منتج مختلف المرادي عن اللي عمله قبل كده لان العاصمة سوق ومنتج مختلف يعني مش لازم اشوف اعماله انه عمل برج قبل كده لان مفيش ابراج قبل كده.

"متستعجلش الشراء الا بدراسة ولا تستعجل البيع الا بعد الاستلام"

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...