نصائح هامة جدا لراغبي الاستثمار في الصيدليات

في هذه الكبسولة العقارية السريعة أوضح لك تفاصيل نصائح هامة جدا لراغبي الاستثمار في الصيدليات

(لراغبي الاستثمار في الصيدليات)

ان يكون عندك صيدليه شيء عظيم سواء كنت طبيب او مستثمر يأجر لطبيب 👌

استثمار كويس جدا من التشغيل والريسيل والايجار ..

استثمار يمتاز بالندره لان مفيش غير صيدليه او اتنين في اي مول تجاري او طبي ...🌿

بس خد بالك .. الصيدليه من الوحدات اللي ليها  اشتراطات خاصه عشان تاخد الرخصه :

/زي عرض الوجهه 

/ارتفاع السقف عشان السندره او الميزان 

/المسافه القانونيه بين صيدليه وصيدليه تانيه لا تقل عن 100 متر 

/مساحه الصيدليه لا تقل عن 25متر  

/لا يقل مستوي الصيدليه عن الطريق العام 

/اخذ الاحتياطات اللازمه لدرجه الحراره بحيث لا تزيد عن 30 درجه

طبعا دي اشتراطات عامه بناء عليها بتاخد الرخصه 💯

المالك هو المسئول عن الرخصه ام المطور ❓

المالك للصيدليه طبعا المسئول انما علي المطور توفير الاشتراطات اللازمه للصيدليه  لان الصيدليه بتكون اغلي سعر متر في اي مول 🚫 وبيتم بيعها علي انها محل تجاري مع توفير بند تشغيل الصيدليه

احذر ❌❌❌

لازم تسعي في ترخيص الصيدليه فور الاستلام ... لان لو المول اللي جنبك رخص قبلك انتا كده في مشكله والمشكله هتكبر لو المطور باع المحلات اللي جنبك كده مينفعش باي حال من الاحوال تشغل صيدليه انما هتشغل محل برغم انك دفعت غالي جدا لانك شاري بسعر صيدليه ⚠️⚠️⚠️

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...