الاستغراب من سعر العاصمة الادارية الجديدة !

في هذه الكبسولة العقارية السريعة أوضح لك تفاصيل الاستغراب من  سعر العاصمة الادارية الجديدة 

الاستغراب من  سعر العاصمة الادارية الجديدة 

ناس كتير بتستغرب من سعر العاصمة وبتقول انه مرتفع مقارنة بمناطق تانية في مصر لما بدأت كانت ارخص من المناطق اللي حواليها مش زيها او اغلى منها

 وده مش ساري في العاصمة بس ده بيسري على جميع مدن الجيل الرابع 

ايه الاسباب

ان مصر عموما مش بس العاصمة والعالم العربي كمان بالأخص دبي وهي اللي بدعت النظام ده نظام خطط الدفع طويلة الاجل  وده بدأ من ٢٠١٨ 

وقبلها كان كل العالم بيدفع ٣٠ الى ٤٠ ٪؜ خلال الانشاءات والباقي كله عند التسليم

يعني المطور بيلم فلوسه خلال ٣ سنين فقط

النهارده المطور بيديلك ٧ سنين واكتر فطبيعي جدا السعر يرتفع

فالمقارنة من البداية ماتنفعش أصلًا 

دي نقطة

النقطة التانية

انك بتربط السعر او القسط لمدة ٧ سنين مش قسط متزايد ومعنى كده انك بتدفع اقل من سعر اي منطقة بتبيع كاش حواليك بنفس السعر 

لأن التضخم بيقلل من اقساطك واحساسك بيها

المهم مش بتدفع كام المهم بتدفع ازاي 

لو دفعت مليون جنيه على ٧ سنين ده معناه انك فعليًا دفعت النص تقريبا طبقًا لمعدل التضخم السنوي

والاهم من ده كله

انت بتبدأ تأجر وحدتك في السنة التالته او الرابعة يعني بتكون دفعت حوالي نص القيمة

اذن العائد السنوي ROI

بيتحسب على اللي دفعته مش على تمن الوحدة 

اذن لو هيجيلك ١٠٪؜ عائد سنوي على مكتب بمليون مثلا هيكون ٢٠٪؜ مش ١٠ 

لانه عائد على نص القيمة مش القيمة كاملة

ولذلك المطور عارف الحسبه دي وانك هتكسب من وراه لان من غير الخطط دي مستحيل كنت حضرتك تقدر تدخل في اي عقد لانك هتكون محتاج المبلغ كله تدفعه خلال فترة الانشاء اللي هي ٣ سنين

ارجع وافكرك 

انت بتدفع ازاي مش بتدفع كام

في الختام...

يمكنك دائماً تصفح قسم كبسولة عقارية من يوفن دوت كوم، للإجابة علي اسئلتك العقارية سريعاً وبشكل موجز ومختصر!

أو يمكنك دائماً التواصل معنا للإجابة عن أستفسارتك بكل شفافية ومصداقية لأستثمار آمن...